no to chicharon!

Grade 3 ako nung unang beses akong nagpa-deworm. Syempre, labas lahat ng bulate sa tiyan ko. Simula noon, lumakas na akong kumain. Lagi na kong laman ng kusina namin. Unti-unti na rin napuno ng taba ang mga braso at hita ko. Pati mukha ko, lumobo na.

Grade six, pumayat ako. Dahil siguro sa pressure na mag-aral ng todo para makapasok sa top five sa graduation at nagkasakit rin ako nun. Nung first year hayskul ako, maganda pa rin ang katawan ko pero nung summer bago mag-second year, bumalik ako sa dating gawi. Na-reinforce kasi ako ng aking itay. Ang sabi niya kasi okay lang naman daw na kumain ako ng kumain kasi di naman daw ako lumulubo, wala pa daw sa kalahati yung katawan ko sa mga katawan ng mga babae dun sa amerika. Kaso, hindi naman kain yung ginagawa ko, lamon! Yung katawan ko nung third year hayskul ako ang pinakamataba kong naging katawan. Grabe! Ni ayoko ngang tingnan yung mga pictures ko nung third year ako eh. Fortunately, pumayat ako nung fourth year dahil sa pagiging varsity player ko ng basketball nun.

First year college hanggang second year, normal naman kasi nagboboard ako sa baguio nun, hindi naman ako nakakakain ng maayos. Pero paglipat ko dito sa diliman at dito na ko sa bahay namin nakatira, boom! balik ang bagong "bisyo". Lumobo na naman!

At ngayon ngang kakatapos lang ng holiday season, napansin kong nadagdagan na naman ang mga taba sa aking katawan. Dati naman, kahit mataba ako, okay lang sakin, kahit sabihin pa ng mga tao na ang taba-taba ko na, wala akong pakialam, e sa nag-eenjoy akong kumain eh! Pero nitong tuesday lang, iba yung naramdaman ko. Bago pumunta sa centennial kick-off celebration ng up, sangkaterbang damit ang sinubukan kong suotin pero konti na lang ang okay sa katawan ko! Na-depress ako. Para kasing lahat ng damit na suotin ko, nagmumukha akong malaki talaga! Haay.. Haay talaga.. Magda-diet na talaga ko! No to rice! No to chicken adobo! No to fries! No to chicharon! I swear...